الحلقة الاولي ..حوار مع النفس

الحلقة الاولي
حوار مع النفس
...................
من أنت؟ .. سؤال مكون من كلمتين فهل الاجابة سوف تكون في كلمتين؟.. هل يوما فكرت من أنت؟..فلو سألك أحدهم من أنت فما جوابك؟..هل سيكون جوابك علي قد السؤال أي كلمتين فقط أم ماذا؟
يمكن لو كل واحد فينا عرف هوة مين أعتقد أن الحياة كانت هتبقي مختلفة. في ناس كتير قوي في حياتنا مش عارفين هما مين وعايشين لية أساسا. فقط يكتفوا بالاجابة عليك:أنا مش بحب أتكلم عن نفسي أو مش بعرف أتكلم عن نفسي .في الحالة دي تعرف أنة مش عارف نفسة أساسا علشان يتكلم عنها.
وفي ناس تانية قليلين جداا هما يمكن الي عارفين هما مين وعايزين أية كويس. ياتري فكرت قبل كداا اجابتك هتبقي اية؟
ياريت كل واحد فينا تبقي عندة الجرأة علشان يعرف يتكلم عن نفسة. حتي لو أنت خجلان من حاجة غلط في حياتك بلاش تقلق منها لانك بالتاكيد هتنساها.في حكمة بتقول"أننا ننسي أخطائنا بسرعة لأن أحدا لايذكرنا بها" لأن مش لازم ان كل واحد فينا يتكلم عن أخطاءة وبس. كفاية أنك تتكلم عن الحاجات الحلوة الي في حياتك هتبقي انسان سعيد. بس كفاية أنك تفتكر أخطائك ولو لمرة واحدة قبل ماتنساها علشان مش تتكرر معاك تاني.
وفي حكمة حلوة قوي"من يغلط مرة فهو انسان ,أما من يصرعلي الخطأ فهو شيطان"
ياريت ياجماعة نحاول نفضفض مع بعض شوية ساعات الواحد فينا بيبقي عايز يتكلم مع أي حد غريب غير الي متعود انهم يسمعوة وفينا ناس تانية مش لاقية الي تسمعها اصلا.
كفاية كداا مش هطول عليكم أكتر من كداا .ودي كانت الحلقة الاولي من "كلام في القلب" وياريت كل واحد يفكر كويس قوي في الكلام الي فات داا علشان الحلقة التانية ان شاء اللة هجاوبكم علي السؤال دا. بس بعد كدا في الحلقات الي بعد كدا هستني اجابتكم أنتم علي السؤال دا
دا طبعا اذا عجبكم الموضوع والفكرة وعندكم استعداد لحوار مع النفس.
KiShO

حبيب قلبى
يلا

شكرا ليك ياكابو علي مرورك وعايزينك تشارك معانا وتحضر حلقة خاصة بيك تتكلم فيها عن نفسك

وانا ان شاء الله اشارك معاك يا احمد لان الموضوع فعلا محتاج المشاركه من الجميع وفكره حلوه ان كل واحد بجد يتكلم عن نفسه .. ومشكور على مجهودك الرائع معانا وان شاء الله تلاقى قبوول من جميع الاعضاء

فكرة كويسه بس ..مش كل الناس هتحب تتكلم عن نفسها ولو اتكلمت مش هيكون بصراحه دا احنا فكرنا في كرسي الاعتراف في ناس قعدت تراوغ ولا ايه يا موشي باشا

بس علي العمومو احنا ننزل الموضوع البث التجريبي لو اثبت نجاح نكمل ما اثبتش

نلغيه ومش هنخسر

دى بدايه كويسه ان دلؤقتى كل واحد بيقول رأيه فى الموضوع دا الى عاوزينه اننا نشوف رأى كل واحد فينا ومشكور يا بدراوى على مشاركتك معايا

يعني الحلقه التانيه انتا المفروض تتكلم عن نفسك بالتفصيل ولو ممكن تكتبها في

حلقتين والي بعدك كدا وهكذا يلا ابداء يا مان نحن وراءك قلبا وقالبا

هههههههه جمدة اوي قالبا دي بس مش مشكله قالبا قالبا

بهنيك اوي يا كيشو انك بدات الحلقات وبصراحة بداية قوية اوي لان فعلا السؤال ده اصعب سؤال ممكن يمر على اي شخص في الدنيا واجابته كمان يا اما مفقودة يا اما بتكون من الصعب انك تقلها لان انت علشان تعرف نفسك لازم تفتش كويس عن نفسك وتفتش جواك انت مين بتفكر ازاي ايه سلبياتك قبل ايجابياتك ربنا معاك وان شاء الله حناتبع الموضوع باستمرار وربنا يستر لما يجي علينا الدور هههههههههههههههههههه

كدا الموضوع شكلة عجب معظم الناس بس في ناس تانية شكلها عايشة في عالم مع نفسها كداا
ندعوها بالانضمام معانا علي مائدة الطعام المدورة دي قصدي علي مائدة المباحثات المستديرة

وانا كدا شكلي هنزل الحلقة التانية قريب ان شاء اللة.. قريباا جداا .. وياريت كل واحد تبقي عندة الجرأة علشان يحضر حلقتة الخاصة بية الي في يوم من الايام هيجي الدور علية ان شاء اللة وهقولة نزلها .وياريت كل واحد لو مش هيراعي الصراحة يبقي احسن لية مش يشارك في الموضوع داا يشوف منتدي تاني احسن يقول فية اي كلام في اي كلام انما احنا عندنا هنا مافيش غير كلام من القلب وبس..

يا جامددددددددددددددددددددد

الموضوع جميل يا كيشو أوي.. بداية بجد ممتازة

جامد أوي ... و ان شاء الله نشارك معاك و ننزل حلقات و تكون أكيد صريحة

ومبروك على صدور اول حلقة

هايل يا كوشي

موضوع جميل ويستحق المتابعة

تحياتي لك روز

بداية كثير حلو وعن نفسي حبيت الموضوع كثير

رح أستنى الحلقة التانية بفارغ صبر والله يسهل لما دوري ييجي

شد حيلك الدور عليك

موفق

» الحلقة الثانية..حوار مع النفس..KiShO
» الحلقة الثالثة ....حوار مع القدر....كابو