الحلقة الثانية..حوار مع النفس..KiShO

الحلقة التانية
حوار مع النفس
.....................
لكل منا بداخلة منطقة خاصة بل خاصة جدا .تحتوي علي أدق التفاصيل من حياتة .لكني اليوم سوف اترك العنان لعقلي والحرية لقلمي لاعبر لكم عن منطقتي الخاصة التي لم يجرؤ احد علي اجتيازها من قبل .
هل يوما فكرت من انت؟
سؤال ..سألني احدهم ذات مرة ...احترت كثيرا قبل ان اجاوب هذا السؤال ليس لأنني لا اعرف اجابتة بل علي العكس تماما فا انا اعرف اجابتة جيدا ولكني احترت في ان انحرف عن اجابة السؤال الصحيحة وانساق وراء ابداع الموضوع واظهارة بشكل جمالي علي حساب واقع الامر .فقررت الاجابة بكل صراحة لاني اعلم ان الصراحة هي أقصر الطرق الي الحقيقة .
انا في الحياة مجرد انسان عادي جداا .كتير ممكن تشوفي انسان مرح جداا ودا رأي كل الي حوليا فيا بس الحقيقة يمكن تكون مختلفة تمام يمكن انا بظهر جانب المرح مني كتير في اللحظات الي ابقي عايز اخفي الخوف والحزن الي في عيني عن عيون
الناس .انا خايف قوي من حياتي الي قدام يمكن علشان حاسس انها مش معروفة او مش متوقعة .ساعات بحس اني تاية بجد
ومش عارف اخد اي قرار.مش بالسهل ان الواحد ممكن ياخد قرار يخص حياتة .في جملة حلوة قوي علي اتخاذ القرارات :
القرارات لا تمثل إلا بداية شئ ما, و الإنسان عندما يتخذ قرارا فإنه يقذف بنفسه في الواقع في خضم تيار عارم يلقي به إلى مصير
لم يتوقعه قط, و لا حتى في الأحلام، في تلك اللحظة التي إتخذ فيها القرار.عارف انها حاجة صعبة قوي اني ابقي حزين في نفسي وفرحان قوي قدام الناس .يمكن حاسس بالخوف علشان خايف اني اضيع كتير من احلامي الي نفسي احققها .. يمكن ..
بالنسبة لاحلامي فااحلامي كتير قوي وربنا يقدرني واقدر احققها كلها ان شاء اللة .طول ما الانسان عايش احلامة عايشة معاة .
وتحقيق الاحلام مش بسهولة ودا انا عارفة كويس قوي بس في فرق كبير بين واحد عندة احلام ومش عارف يحققها وبيسلم بسهولة وواحد تاني مش عارف يحقق احلامة بردة بس مش بيسلم بسرعة وبيفضل ورا احلامة لغاية مايحقق اكبر قدر منها وانا من النوع دا الي مش بيسلم بسرعة .
الفترة الي جاية دي اكيد صعبة كتير عن الفترات الي مرت عليا قبل كدا .الفترة الي جاية دي الي هرسم فيها حياتي وشخصيتي .
احلامي كتير قوي ونفسي حياتي تمشي زي ما انا عايز .ساعات بعد افكر كتير قوي حياتي هتبقي شكلها عامل ازاي قدام .يمكن هوة داا كل الي مسيطر علي تفكيري في الفترة دي .بس لاحظت ان معظم الشباب الي في نفس سني الي حد ما بيفكروا في نفس الي بفكر فية .وهوة دا الي حد ما الي مطمني شوية اني مش لوحدي الي بفكر كداا مش مجنون يعني ولسة بكامل قواي العقلية .
بالنسبة لشخصيتي فاهسيب الجزء دا للناس الي تعرفني هما الي يقدروا يحكموا عليا اكتر من نفسي .بس عماتا اي واحد فينا بتبقي فية سلبيات وايجابيات بس الانسان الذكي الي يعرف اية ايجابياتة ويحافظ عليها واية سلبياتة ويحاول يغيرها .انا عن نفسي بعترف ان في شوية سلبيات فيا بس مش كتير .بس الحمد للة بحاول اغير كتير من نفسي للاحسن ودا مش عيب كلنا عارفين ان مافيش حد في الحياة كامل لان الكامل هوة اللة سبحانة وتعالي .
يمكن دي فكرة عني .انا بصراحة كنت عايز اتكلم بتفاصيل اكتر شوية بس لاقيت ان الموضوع هيبقي صعب شوية كا كلام علي النت وكدااا بس مش فكرة اني مكسوف او خجلان بالعكس .للعلم انا كاتب كل حاجة الي حد ما بالتفصيل عني في مفكرة كداا
وكتير من اصحابي شافوها .
اتمني انكم تكونوا كونتوا شخصية قريبة حتي من شخصيتي في خيالتكم .وهوة دا الي انا عايزة من الموضوع بتاعي اننا نعرف شخصيات بعض بلاش نقول بسطحية شوية بس ممكن بااختصار.لان الانسان مهما ان كان لازم تبقي فية شوية حاجات كداا في نفسة مافيش حد يعرفها غيرة هوة وبس لان لو اي حد فينا قدر انة يكشف كل شخصيتة وحياتة قدام الناس مش هيبقي لية اي طعم في الحياة .لازم تبقي في حاجة ولو صغيرة قوي تشد الناس لية .وهوة داا في اعتقادي سر الحياة وسر الترابط بين الناس .
في النهاية ...
بتمني تكون الحلقة دي عجبتكم واعذروني الكلام لو مش مترتب او مش منسق في التعبير لانة طالع بجد مني .....
والي اللقاء في الحلقة الثالثة ومع شخص جديد ومميز جدا
KiShO

مبرووك يا كيشو على اصدار الحلقة التانية وبصراحة موضوع قوي أوي

أجمل حاجة " الحوار مع النفس " عشان النفس فعلا منطقة مليئة بالاسرار ودائما بتخفي الجانب الاكبر من شخصية الانسان اللي بيحاول يخفيها عن عيون الناس ... مشكور أوي يا كيشو انك سمحت لينا بمشاركتك في حوارك مع نفسك وبجد كلام جميل عشان نابع من داخلك...

كلام جامد يا مان .. وحقيقى موضوع يستحق المشاركه عليه من جميع الاعضاء

بس اعذرنى لو انا قصرت حبتين اليومين دول بس عشان الامتحانات

وان شااء اكون معاك دايما فى كل الحلقات

فى الحقيقه يا احمد انت موضوع حلقتك كان بجد هايل احمد انا مستعد اكلم عن نفسى بجد ودير معايا انت الحور فى الحلقة الجاية اوكى الحلقة الثانية..حوار مع النفس..KiShO 416837

الحلقة الثانية..حوار مع النفس..KiShO 416837

انتباة علي سطح الشاشة ....كابو باشا هينزل بالحلقة الثالثة

اوك يامان عايزين الحلقة بتاعتك تكسر الدنيا وربنا معاك بس مش تتاخر بقي في اصدار الحلقة

ويارييت الناس الي خايفة تشارك دي تيجي تجرب ومش هتخسر حاجة .
ولا هما لسة مش عارفين هما مين ؟

يلا يا كابووو أحنا في انتظار الحلقة تبعتك

بصراحة كلام جميل لان انك تتكلم عن نفسك ده منتهى الصراحة وبعدين الواحد لما بيتكلم عن نفسه ويفتش كده ويبدا يتصفح حياته فعلا بيقدر يشوف حاجات يمكن الرتم السريع بتاع الحياة دلوقتي تنسينا احنا ايه وماشيين ازاي وبنفكر ازاي لكن لما تفكرنا كده في حوار مع النفس بحياتنا ونتصارح مع نفسننا دي حاجة جميلة ربنا يوفقك وتتابع حلقاتك بنجاح وطبعا مستنيين كابو

ايه الحلاوه دى

لا بجد فعلا الموضوع لقى اقبال .. انا كنت حاسس فعلا من الاول ان الموضوع يستاهل يا جماعه المشاركه لان كل واحد لو اتكلم ولو ابسط شىء عن نفسه بجد هيحس براحه جميله . كفايه لما بنعبر عن نفسنا فى ورقه وقلم . لما بنخلص كتابه بنحس بالاحساس الى بقولكم عليه

فعلا احساس جميل لما تجربوه وتحاولو تشوفو جواكو ايه وبردو تتبادلو نفس الاحساس

ألف مبروك

وتشرفنا كثير

كل حلقة اجمل ملي قبلها

مرسي كتير ومتبخلش علينا بقه بالجديد

السلام عليكم

انتم كلكم وحشني والله ياجماعه

وانتا يا كاشو افندي كان نفسي اقراء الموضوع بس انا فعلا عنيا حساسه للضوء

واللون الغريب دا وجعلي عنيا

بس انا حاسس انو حاجه كويسه

وحشني وحشني..............................وحشني